Universitetet i El Alto: Kampen for godkjenning

(image) Foto: Creative Commons: vocesbolivianas (flickr)

By av migrantarEl Alto fekk bystatus i 1988, og veks raskt. I dag veit ingen eksakt kor mange som bur der, men ein reknar med at El Alto no er millionby. Innbyggjarane er i all hovudsak immigrantar frå landsbygda, eller born av desse. Politisk kraft El Alto har dei seinare åra vore ei sterk politisk kraft i Bolivia. I den såkalla ”Gasskrigen” i 2003, var det først og fremst dei sterke protestane frå innbyggjarane der som gjorde at dåverande president Gonzalo Sánchez de Lozada rømde landet. Studentane frå UPEA stod i fremste rekkje under protestmarsjane.Krav frå grasrotaNabolagsforeninga FEJUVE og den regionale fagrørsla COR, er mektige organisasjonar i El Alto. Dei var heilt sentrale bak kravet om ei eige universitet i byen. UPEA skulle vera eit universitet i, av og for El Alto, som svarer på utfordringane der. Banda mellom COR/FEJUVE og UPEA er ikkje like sterke og organiserte i dag som tidlegare, men sosial kontroll av universitetet er framleis eit viktig tema på agendaen.Aksepterer ikkje statuttaneDei andre offentlege universiteta i Bolivia aksepterer ikkje UPEA sine statuttar, og derfor er ikkje UPEA del av det nasjonale universitetsrådet (CEUB). Hovudårsaka til dette er at studentane si stemme ved val på autoritetar ved UPEA, tel like mykje som forelesarar sine. I motsetnad til dette har dei andre universiteta eit valsystem der studentane sin stemme er mykje mindre vektlagt. Pågåande kampKampen held fram for at UPEA skal bli fullstendig medlem av universitetssystemet i Bolivia. Samstundes svekkar intern maktkamp institusjonen og skaper lite stabilitet. Leiinga vert ofte skifta ut og undervisninga utsett eller avlyst. Begge desse faktorane fører til at mange av dei 16 000 innskrivne studentane er usikre på når dei vil fullføra studia og om dei får ein fullt ut godkjend nasjonal tittel. Samstundes gir den nye grunnlova i Bolivia von om at krava frå UPEA skal få gjennomslag, og president Morales har starta konstruksjon av eit stort nytt bygg som gir rom for utviding.

Av Gonzalo V. Huaranca Mamani, CEADL/ Arnhild Helgesen, SAIHArtikkelen er ei oppsummering av Huaranca sin artikkel ”La Universidad Publica de El Alto. Una permanente lucha por el reconocimiento” (2009).