Storstreik etter fotball VM

(image)

Fotball VM er over, livet er på veg attende til det vanlege. Men for Jacob Zuma, presidenten i Sør-Afrika, bygg utfordringane seg opp. Alt under VM var det frå mange hald store spørsmål om det var rett å bruka så mykje pengar på eit arrangement når landet hadde så mange utfordringar å stri med.

Fleire utfordringar

Store delar av dei offentleg tilsette har no på nytt gått i streik for høgare løn. I fylje IRIN la 1,2 millionar offentlege tilsette ned arbeidet sitt frå 18. august, mellom dei sjukepleiarar og lærarar. ANC-koalisjonen kan synast å slå sprekker, og særleg Kommunistpartiet er lite komfortable med mangelen på utteljing for vanlege arbeidarar av den økonomiske veksten som Sør-Afrika har opplevd etter fridommen i 1994. Og, om dette ikkje var nok, i lenger tid har det vore meiningsutveksling om kåra til ytringsfridomen i Sør-Afrika. Mange meiner at denne retten som grunnlova gjev alle sørafrikanarar vert broten med regjeringa sitt lovforslag om oppretting av eit media appelltribunal. 37 redaktørar i kjende aviser meiner dette berre er ein ny måte for styresmaktene å setja lok på journalistar sitt arbeid og avgrensa innsynsretten i offentlege dokument.

(image) Bilde fra Mkhonzeni Gumede sitt besøk til SAIH vårsamling 2007.

Bobler av følelser

Mkhonzeni Gumede, direktøren i DramAidE (Drama AIDS Education), ein partnar organisasjon til SAIH, seier at “There is a lot of intimidation and at some point there will be a boiling over of emotions and open confrontation that will lead to public violence.” Likevel, den pågåande streiken er ein lovleg streik, meiner han, men det gjer den ikkje lettare å leva med. DramAidE driv førebyggjande arbeid mot vald og kriminalitet mellom ungdomsskuleelevar. Streiken gjer at organisasjonen ikkje har tilgang til skulane, og det som verre er, at foreldre er forvirra om det er trygt å senda borna til skulen. Det er særleg elevar på landsbygda som tapar på streiken. Mkhonzeni er likevel optimist og avsluttar med å seie: ”I have faith though, in our government and labour union that they will do the right thing for our country. It is just that they need to find a solution now.”

Les mer på:

IRIN - humanitarian news and analysis

Mer om det nye medie lovforslaget:

http://www.mg.co.za/article/2010-08-26-anc-mp-says-info-bill-goes-too-far

http://www.mg.co.za/article/2010-08-09-editors-and-police-chief-prepare-for-meeting

http://www.mg.co.za/article/2010-08-02-press-council-warns-against-media-tribunal

http://www.mg.co.za/article/2010-07-25-editors-reject-media-tribunal-proposals