- Slepp dei unge til!

(image) Sigrun Møgedal blei også feira av gruppa Queendom. Sigrun Møgedal blei også feira av gruppa Queendom.Det var på eit seminar om global helse og aids førre veke, at Sigrun Møgedal, som no går av med pensjon, blei heidra for innsatsen i kampen mot hiv. Møgedal var fram til i fjor norsk aidsambassadør, og har vore sentralt i aidsarbeidet internasjonalt.

Ungt leiarskap

Ein av fanesakane til Møgedal dei siste åra, har vore ungt leiarskap. Dette har ho blant anna samarbeida med LNU om. Anette Remme (SAIH) og Liv Heidi Pederesen (LNU) helsa til Møgedal frå ungdomsnettveket for hiv og adis under mottakinga. Dei takka ho for at ho tek ungdom seriøst, ikkje berre i ord, men også i handling.

(image) Liv-Heidi Pedersen (LNU) og Anette Remme (SAIH) Liv-Heidi Pedersen (LNU) og Anette Remme (SAIH) Også Kjersti Koffeld, som tidlegare jobba med hiv i LNU, hadde blitt invitert til å dele tankar om ungdoms rolle. Ho la vekt på at unge er ein del av løysinga.

- Ungdom er ikkje berre ei målgruppe, men endringsagentar, meinte Kjersti Koffeld.

Ho oppmoda styresmaktene om å opne opp politiske prosessar og la ungdomsorganisasjonar delta i dei på ein aktiv og meiningsfylt måte.

- Ikkje ta ungdom med som maskotar, men gje dei sjansen til å påverke politikken, sa ho.

Vil gje plass til ungdommen

I samband med at ho går av med pensjon, blei Sigrun Møgedal intervjua av nettsida til FNs aids-organisasjon, UNAIDS. Til dei sa ho at det er på tide at dei som har vore med lenge i kampen mot hiv gjev plass til nye folk og idear.

(image) Sigrun Møgedal Sigrun Møgedal- Vi må lage rom for nye folk, unge folk, med deira kreativitet, energi, og nye måtar å skjøne og løyse komplekse problem.

I tida som aidsambassadør har ho jobba mykje saman med unge aidsaktivistar.

- Når eg snakkar med unge menneske ser eg at dei har energien og evnene til å kommunisere på nye måtar. Dei treng ikkje mykje oppmuntring fordi dei av natur er nyssgjerrige og opptekne av urett. Det inspirerer meg.

Brev til Solheim

LNU og SAIH sendte denne veka eit brev til utviklingsminister Erik Solheim der ein oppmoda ministeren om å involvere ungdom i prosessen fram mot og under høgnivåmøtet om hiv og aids i New York i juni.

Det vil til dømes seie å opne opp for ungdomsdelegatar i den norske delegasjonen som kan delta på lik linke med andre medlemmer.