Nyhet

- Berre ei kvinne kan få i stand verkeleg endring

15. september 2011

Det er val i Zambia den 20. s

(image) Edith Nawakwi frå Forum for Democratic Development (FDD eptember i år. Det skal veljast ein president, 150 medlemer til nasjonalforsamlinga og representantar til lokale forvaltningsorgan.

Zambia ligg i det sørlege Afrika og erklærte seg sjølvstendig frå Storbritannia 24.oktober 1964. Landet er nesten dobbelt så stort som Norge, og i dag er det om lag tre gonger så mange zambiarar som nordmenn.

Mykje av valdebatten er fokusert på presidentvalet. Det er to hovudkandidatar: Rupiah Banda, den sitjande presidenten frå Movement for Multiparty Democracy (MMD) og Michael Sata frå Patriotic Front. Sist det var val stod det også mellom desse to hovudkandidatane.

Temperaturen i valkampen har vore høg i lang tid, og det manglar ikkje på kraftsalver frå båe leirar, men det er vanskeleg å finna dei ideologiske ståstadane til dei to partia.

Dei siste åra har den zambiske økonomien styrkt seg. Zambia sin HDI har faktisk vore stigande sidan år 2000 og i juli i år informerte Verdsbanken om at Zambia no er flytta til kategorien mellominntektsland. I fylje den norske ambassaden i Zambia vilden norske bilaterale støtta på sikt verta avvikla.

SAIH samarbeider med seks zambiske organisasjonar, to av dei er einingar knytte til universitet medan fire er sjølvstendige frivillige organisasjonar. Eitt av to program i Zambia tek opp problemstillingar som også er sentrale i den politiske prosessen: jenter og kvinner si deltaking.

Av dei 150 representantane i nasjonalforsamlinga i dag er 22 kvinner (14%). Også elles på regionale og distrikts nivå er kvinner underrepresenterte. I eit intervju med IPS seier Edith Nawakwi frå Forum for Democratic Development (FDD) at “berre ei kvinne kan få i stand verkeleg endring” i Zambia. “Menn har mislukkast, no er det tid for ei kvinne” seier ho. Eit sentralt tema for valet er å få eit representativt parlament med både kvinner og menn. Tre av SAIH sine partnarar arbeider med å endra misforholdet ein ser i dag. Det har også vore dømer på at kvinner med erfaring og kunnskap som alt sit i posisjonar er manipulert ut og erstatta av kvinner utan erfaring. SAIH sitt arbeid i Zambia går ut på å gje kvinner opplæring i deltaking i offentleg debatt og leiarskap.

LINKER:

http://www.times.co.zm/index.php?option=com_content&view=article&catid=46:other-headlines&id=767:ecz-chief-counsels-presidential-hopefuls

Statehouse

http://www.statehouse.gov.zm/index.php/component/content/article/48-featured-items/3449-stakeholders-welcome-poll-date-elections-body-ready

http://www.statehouse.gov.zm/index.php/component/content/article/48-featured-items/3451-president-banda-launches-2011-elections-campaign

http://www.statehouse.gov.zm/index.php/component/content/article/48-featured-items/3456-opposition-pf-panicking-mmd-national-secretary-

IPS

http://www.ipsnews.net/news.asp?idnews=56839

- http://www.ipsnews.net/news.asp?idnews=56811

http://www.ips.org/africa/2010/07/zambia-calls-for-political-parties-to-field-50-percent-female-candidates/

M&G

http://mg.co.za/article/2011-08-24-kafues-poor/