Å gjera det Zambiske mannssamfunnet meir likeverdig

Zambia er eit mannssamfunn. Dei tre vala i 2011 (lokal forvaltning, parlament og president) demonstrerte det. Likevel, sjølve valkampanjen hadde båre i seg ei forventing om endring.

Sigerherren, Michael Chilufya Sata hadde lova sivilsamfunnorganisasjonane i Zambia større rollar i gjennomføringa av vallovnadane hans om han vann.

Den nasjonal kvinnelobby foreininga i Zambia (Zambia National Womens Lobby), hadde i to tiår arbeidd for å få inn fleire kvinner i parlamentet. Med start i 1991 hadde foreininga bygd eit landsomfattande nettverk av lokale kvinnelobbygrupper. Målet deira var og er fleire kvinner inn i styre og stell.

Diverre vart valet i 2011 eit stort vonbrot, ikkje berre for dei mange sivilsamfunnorganisasjonane, men også for ZNWL. Talet på kvinlege parlamentsmedlemer gjekk ned i staden for opp frå 22 til 18 kvinnlege parlaments medlemer. Leiaren av programavdelinga Aselly Mwanza sa då valresultatet vart kjent «No må vi tenkja nytt».

No har ZNWL fått ny leiing og med den, nye idear. Bistandsorganisasjonar er godt kjende med revisjon av økonomien. Den nye leiinga i ZNWL har i tillegg starta arbeidet med å finna status for kvinnelege leiarar i offentleg og privat sektor. Prosessen med å samla inn data starta alt i oktober 2013 og var ferdig i april 2014. Direktøren i ZNWL, Juliet Kaira Chibuta, seier det er fleire grunnar til å gjera ei slik gjennomgang: Zambia har signert regionale og internasjonale avtalar om lik rett til deltaking i avgjersleprosessar for både men og kvinner; det har ikkje vore gjort noko slik gjennomgang i Zambia så langt; ein slik gjennomgang vil også dokumentera framsteg Zambia gjer med å få fleire kvinner med i avgjersleprosessar.

ZNWL ynskjer å gjera dette til ei årleg rapport og håpar at effekten av den vert at fleire kvinner vert avgjersletakarar både innan offentleg og privat sektor. Rapporten vil også verta bruk i lobbyarbeidet med å få meir likeverdig forhold mellom kvinner og menn på alle nivå i samfunnet.

Under introduksjonsfrukosten av gjennomgangen konstanterte forkvinna i ZNWL, Beauty Katebe at «kor mykje vi kan skryte av at kvinner deltek i kritiske avgjersleprosessar kan berre avgjerast om vi veit kor mange kvinner og menn som faktisk er involvert i avgjersleprosessane».