Aukande vald mot lesbiske – aktivistar krev handling

(image) Aktivistar demonstrerte i utanfor parlamentet i Cape Town, mandag 14. mars. Foto: IRIN

Aktivistane la fram ein klage signert av 170.000 støttespelarar i 163 land, og krev at regjeringa anerkjenner den aukande valden mot homoseksuelle og lesbiske personar. Sidan desember 2010 har den lesbiske aktivistgruppa Luleki Sizwe hatt ein underskriftskampanje på www.change.org.Sjølv om statistikken er mangelfull, anslår lesbiske og homofile aktivstgrupper at 10 nye tilfelle av korrigerande vald finn sted kvar veke i Cape Town – ein by med 2.5 millionar innbyggjarar. Eit djuptliggande problemSør-Afrika si grunnlov er ei av dei mest progressive grunnlovene i verda. Den har vorte modell for mange. I 2006 gav den sørafrikanske grunnlova personar med same kjønn rett til å gifta seg. Grunnlova vernar om fridomen til alle, men det er diverre stor ulikskap i korleis det sørafrikanske samfunnet i varetek desse rettane som folk har. Det er særleg dei veikare gruppene det går ut over.Både kvinner og menn med anna seksuell legning vert trakassert utan at samfunnet har grepe inn. Problemet med korrigerande vald, der lesbiske kvinner blir valdteken i håp om at dei kan verta heterofile, er særleg eit oversett problem. Nyleg kom organisasjonen ActionAid ut med ein rapport om saka.Vanskeleg å få merksemd- Vi er kjend som eit land med vakre lovar som ikkje kan gjennomførast. Me sit i eit land kor seks kvinner dør kvar dag i hendene på ektemann eller partner. Dette gjer det enno vanskelegare å rette merksemd rundt homofobisk vald, sa kommissæren for likestilling Yvette Abrahams til IRIN.Etter møtet med aktivistane har representantar frå regjeringa lova å ta saka vidare og få kartlagt korleis ein skal løysa problemet med korrigerande vald.Kjelder: Mail & Guardian, IRIN

Les òg: Ugandisk menneskerettighetsaktivist og LHBT-leder drept